Ar fiñvusted eus an amzer da zont a vo lies dre ret, ken a-fet ar modoù ken a-fet an deknologiezh. Tredan, GNK, hidrogen : pep hini eus an teknologiezhioù-se he deus perzhioù mat a gloka an eil re ar re all, a-fet meradur ar rouedadoù hag enframmadur ar produadurioù lec’hel a energiezhioù nevezadus peurgetket. Dont a ra Energ’iV da harpañ ar cheñchamantoù e gennad an doareoù fiñval, en ur staliañ savlec’hioù GNK dreist-holl, met ivez dre e iskevredad Breti Sun Park hag en ur zegas nevezadennoù war dachenn ar fiñvusted hidrogen.
Gant e raktres Breti Sun Park e kinnig Energ'iV da embregerezhioù ha da strollegezhioù lec’hel an Il-ha-Gwilen goleiñ o farklec’hioù (ouzhpenn 30 plas) gant un disheolienn fotovoltaek, aveet gant ur bonn adkargañ pe meur a hini evit karbedoù tredan.
Ar bonn-se zo gant ur c’halloudegezh a 22 kW, aveet gant daou lec’h kargañ ha liammet eo ouzh ar rouedad Btk (Bonnoù Tredan evit ar C’hirri) ha Ouestcharge.
Evit heuliañ an argerzhadur, klikit amañ (fichenn goulenn staliañ un disheolienn PV + IRVE)
Ar bio-GNK eo ar stumm nevezadus hag izelgarbon eus ar Gaz Naturel evit Karbedoù (GNK), produet dre vetanaat. Emouestl Energ’iV evit ar GNK zo stag ouzh e emouestl war dachenn ar metanaat, evit gellout staliañ ekoreizhadoù nevez da broduiñ ha da implijout trelosk struzh, ekologel penn-da-benn ha produet er vro dre dalvoudekaat dilerc’hioù ha distaolioù ar sevel-loened.
Niverus eo spletoù ar bio-GNK evit an endro :
Evit harpañ ar filierenn GNK ha bio-GNK en tiriad eo bet Energ’iV o sevel ur rouedad kempoell ha kempouez a savlec’hioù adkargañ buan ha digor d’an holl. Talvezout a ra ar rouedad-se da bourvezañ :
Bremañ eo pevar ziriad eus an departamant a vez skoazellet gant SDE 35 evit diorren an diskoulm-se eus ar fiñvusted izelgarbon. Gant Energ'iV e vez studiet pep goulenn kaset gant un tirad hag a fell dezhañ plediñ gant an tem-se ha diwar neuze e vez graet ur studiadenn greadusted ha hegoulzded teknikel hag ekonomikel. Da-heul disoc’hoù ar studiadennoù-se e c’heller stagañ da seveniñ ar raktresoù.
Setu amañ un nebeud lec’hiennoù dave evit gouzout hiroc’h war ar sujed-se
Extranet
