Energ’iV zo un ostilh soñjet evit holl oberourien an tiriad, prevez pe bublik, hag a fell dezho postañ arc’hant e diorren an energiezhioù nevezadus. En em ober a ra Energ’iV diouzh hoc’h ezhommoù ha diouzh ho raktres. Meur a seurt skoazell ha formulenn zo kinniget, ma vez taolet evezh hag en em emellout a ra ar geodedourien ouzh ho raktresoù.
Dre m’eo Energ’iV un ensavadur publik dreist-holl e c’hell gwarantiñ enframmadur lec’hel ar raktresoù diorroet gant tredeoù. Degas a ra ur vailhoni neptu da obererien disheñvel, pe e vefent embregerezhioù prevez, strollegezhioù tiriadel pe keodedourien. Kemer a ra perzh da vat en difraeoù kendiviz hag evel-se e sikour lakaat degemer ar raktresoù er vro. Al lod kemeret gant Energ’iV er raktresoù kaset da benn gant tredeoù a c’hello bezañ bihan pe bras, hervez c’hoantoù ar gevelerien hag an tiriad.
Dre-benn d’e vailhoni war an tachennoù teknikel, arc’hantel, lezennel ha tiriadel e c’hell Energ’iV reiñ lañs da raktresoù tiriadel kemmesk en ur vodañ obererien prevez ha publik en-dro dezhañ. Al lodoù kemeret gant Energ’iV er raktresoù lañset gantañ e-unan zo tonket da vezañ bras, met gallout a reont bezañ azasaet hervez c’hoantoù ar gevelerien hag an tiriad.
Energ’iV, pa vez savet gantañ, ha korvoet a-benn nebeut, e lec’hioù produiñ energiezh nevezadus dezhañ, en o zouez staliadurioù fotovoltaek : toennoù, disheoliennoù, roudennerioù,...
Dougen raktresoù energiezhioù nevezadus gantañ e-unan, adalek an arglask betek sevenidigezh ar staliadur, ha kaout an aotre sevel etre an daou.
Formulenn : kaout al lodenn vrasañ e kevala ar c’hevredadoù raktresoù lañset pe diorroet gant SDE35 pe gant e gevredad ekonomiezh kemmesk Energ’iV.
Degas ur vailhoni war dachenn ar merañ raktresoù, ar c’hendiviz lec’hel, ar modoù da dalvoudekaat an energiezh (beveziñ an-unan, kevrat gwerzh eeun doare Kevrat Prenañ Tredan, implij ar gaz evit ar fiñvusted… )
Aesaat an traoù evit kenstagañ ar staliadurioù ouzh ar rouedadoù energiezh hag evit bezañ kendivizer an obererien ensavadurel rannvroel.
Formulenn : kaout ul lodenn vihan e kevala ar c’hevredadoù raktresoù lañset pe diorroet gant tredeoù.
Energ’iV zo disoc’h ur c’hevelerezh etre ar bed publik hag ar bed prevez, ur skouer vrav hag a ziskouez mat ne vez ket mui kaset raktresoù da benn e-unan. Setu perak e tegas Energ’iV e skoazell da bep seurt dougerien raktresoù hag e framm kevelerezhioù lec’hel dreist-holl.
Savet hon eus un hentenn e-sell da aesaat lec’hiadur ar raktresoù energiezh nevezadus er vro. Gant an dilennidi, ar c’hevredigezhioù hag annezidi an tiriad e troomp pep raktres en ur raktres tiriad empentet evit ha gant an obererien a laka anezhañ da vevañ.
Extranet
