Labourat a ra SDE35 evit digreskiñ beveziñ an energiezh ha sikour a ra ar 190 a strollegezhioù o deus fiziet ennañ ar gefridi evit espern an energiezh diwar adtermeniñ o raktres a-fet goulaouiñ foran. Tost da 60 000 a boentoù goulaouiñ a vez meret gant SDE35 hag enno e vez renet ur politikerezh youlek evit digreskiñ al live sklêrijennañ abalamour da zigreskiñ an dispignoù evit ar goulaouiñ foran.

Labourioù evit digreskiñ beveziñ an energiezh

Kinnig a ra SDE35 meur a seurt labourioù disheñvel hag o deus ul levezon war-eeun war beveziñ energiezh ar c’humunioù :

• evit nevesaat ar staliadurioù a lonk kalz energiezh, staliañ goulaouennoù « rummad nevez » efedusoc’h, aes ober ganto, padus ha n’int ket ken noazus a-fet sklêrijenn,
• staliañ mammennoù goulaouiñ ha ne lonkont ket kement a energiezh ha paouez da vat d’ober gant lampoù hag a gerzh gant aezhenn arc’hant-bev evel ar Bolotennoù Fluo (BF),
• staliañ ur reizhiad da spurmantiñ bezañs tud pe kirri abalamour da verraat ar pad ma vez an traoù o vont en-dro,
• staliañ horolajoù steredoniel evit gallout programmiñ ha lakaat ar goulaouiñ da vont diouzh kelc’hiad an heol.

Ar poent war ur raktres

Kemeret en doa SDE35 perzh er programm broadel « tiriadoù gant energiezh pozitivel evit ar c’hresk glas » (TEPCV) a oa e bal skoazellañ an oberoù evit beveziñ nebeutoc’h a energiezh. Lakaet ez eus bet skoazelloù arc’hant gant ar Stad evit nevesaat an ostilhoù goulaouiñ foran a lonk kalz a energiezh. Sevel a ra ar skoazelloù da 80% eus an dispignoù, en o zouez e vez kemeret 30% e karg gant SDE35. E 2020 e talc’h SDE35 gant e oberoù pa ginnig skoazelloù da nevesaat ha pa labour evit sevel ar PPI (Programm Postañ Liesvloaziek) evit nevesaat an ostilhoù goulaouiñ gant ar c’humunioù a fell dezho.