SDE35 zo ur benveg tost hag a bled gant modernaat ar rouedadoù tredan er c’humunioù war ar maez hag o goloiñ en holl c’humunioù.
 

SDE35 eo ar bennadurezh nemeti hag a aoz an dasparzh tredan publik dre an tiriad hag a zo perc’henn war ar rouedadoù tredanvarr izel ha krenn. Mererezh pemdez ar servij-se zo bet fiziet gantañ en anzavadourien Tredan Frañs hag ENEDIS, dre ur gevrat anvet "kaier ar c’hargoù dre aotreadur" ha skoulmet e 1992 evit ur prantad 30 vloaz.
 

War liesseurtaat eo aet barregezhioù SDE35 ha bremañ e ra war-dro merañ ar goulaouiñ foran, diorren ar rouedadoù gaz naturel war ar maez, diorren ar fiñvusted padus hag an energiezhioù nevezadus. Energ’iV, e iskevredad 100% energiezhioù nevezadus krouet nevez zo, a ziskouez emouestl SDE35 evit an treuzkemm energiezh.

Kefridioù strategel e servij an tiriadoù  

Abaoe 2018 e sav SDE35 e raktres strategel diwar NégaWatt, ur senario diawelet gant arbennigourien dizalc’h hag o deus kadarnaet e c’halle Frañs, a-fet teknik, implijout energiezhioù nevezadus hepken a-benn 2050.

Kefridioù & barregezhioù

6 kefridi strategel zo bet termenet gant SDE35, hag evit pep hini anezho ez eus ur programm oberoù, evit harpañ ha diorren an treuzkemm energiezh en Il-ha-Gwilen.

		Kefridi 1 añ : Digreskiñ ar bevezadurioù energiezh Sikour ar c’humunioù da vestroniañ gwelloc’h o bevezadur a-fet ar goulaouiñ foran.
		2 l kefridi : Gwellaat an efedusted energetek  Gwellaat efedusted rouedad dasparzh an tredan, war ar maez dreist-holl. Diorren doareoù fiñval nevez hag a gord gant an treuzkemm energiezh.
		3e kefridi : Diorren an energiezhioù nevezadus Diorren ar raktresoù energiezhioù nevezadus a-yoc’h dre Energ’iV ha harpañ ar c’humunioù hag an DPKEoù da ziorren o barregezh energetek war o ziriad.
		4e kefridi : Kas war-raok an darempredoù gant an implijerien  Kemer perzh en demokratelezh nes dre sevel ensavioù kendiviz ha skoazellañ raktresoù kengred.
		5vet kefridi : Kenlodennañ an araezioù hag an arnodoù Degas ur skoazell deknikel d’ar strollegezhioù ha broudañ ar c’henlodennadurioù.
		6vet kefridi : Kontrollañ ar c’hefridioù dre aotreadur Evezhiañ ha priziañ an obererezh dileuriet d’an anzavadourien Enedis, Tredan Frañs ha d’an oberataerien gaz diwezhatoc’h, ha gwiriañ e vast an araezioù hag ar postadurioù lakaet d’an ezhommoù.