SDE35 a genurzh ar prenañ gaz naturel ha tredan a-stroll evit ar brenerien bublik pe ar re a seven kefridioù servij publik e departamant an Il-ha-Gwilen.
Abaoe 2002 ez eo digor marc’hadoù an energiezh. Gant-se e c’hall ar strollegezhioù lakaat ar bourchaserien gaz naturel ha tredan da gevezañ evit boueta o glad (savadurioù, goulaouiñ foran…).
Abaoe 2015 e lamer tamm-ha-tamm ar prizioù gwerzhañ reolennet (PGR), ur redi eo hiviziken evit ar strollegezhioù :
Evit talañ ouzh fin ar prizioù gwerzhañ reolennet (PGR) ha gwellekaat an urzhiad publik ez eus bet lakaet ur strollad prenañ energiezh war-sav gant SDE35.
Miret eo ar strollad-se evit ar frammoù publik pe dambublik a zo o sez en Il-ha-Gwilen. Graet eo evit prenañ tredan ha gaz naturel evit lec’hiennoù a bep seurt galloudegezh, pe e vefent e dalc’h ar redi lakaat da gevezañ pe ne vefent ket.
D’ar 01.01.2020 e oa 313 a izili er strollad (en o mesk 244 c’humun, 14 kumuniezh-kumunioù pe kumuniezh tolpad-kêrioù, 34 a g-KOSG hag a g-KOSE, 18 sindikad etrekumunel pe kemmesk (5 SKETLaT hag all), 2 DPL, 1 meradur hag 1 DPM).
Fakturennet e vez ur skodenn 1€/MWh. An izili hag o frammoù emezelet a resev SDE35 an TBHT evito zo kuit da baeañ o skodenn evit ar marc’hadoù tredan.
Gallout a reer lakaat izili nevez er strollad forzh pegoulz, dezho da gemer perzh er c’huzuliadegoù da zont, met ne c’haller ket stagañ un ezel ouzh ur marc’had hag a zo bet deroet dija.
Krog eo ar marc’had deroet e 2019 d’an 01.01.2020 evit 3 bloaz. Sellout a ra ouzh 308 ezel ha boueta a ra 4 277 a lec’hiennoù evit ur bevezadur bloaziek a 95 GWh.
Rannet eo e 4 lod :
Deroet eo bet al lodoù 1, 2 ha 3 da d-Total Direct Energie. Ar c’hinnig diazez a c’hoarvez eus meskad energetek ar pourchaser. Ouzhpenn-se e c’hall an izili koumanantiñ d’un dibarzh evit pourchas gwarantoù orin evit 50% pe 75% eus o bevezadur, evit unan eus o lec’hiennoù, meur a hini pe an holl.
Choazet eo bet Enercoop evit pourchas energiezh nevezadus penn-da-benn. Gouestlañ a ra ar pourchaser prenañ 100 % eus an tredan war-eeun digant produerien energiezh nevezadus lec’hel ha broadel. Ouzhpenn-se e ouestl Enercoop adpostañ 57,5% eus e c’hounidoù d’an nebeutañ e doareoù nevez da broduiñ energiezh nevezadus hag e servijoù da vestroniañ an energiezh. 13 ezel o deus divizet lakaat o anv war unan eus lec’hiennoù al lod-se pe war meur a hini. En holl ez eus 156 lec’hienn, pa gonter ar 103 bonn eus SDE35 da adkargañ ar c’harbedoù tredan.
E 2020 e vo goulennet servij ar bourchaserien titlet en emglev-framm evit 2 lod C5 nevez, abalamour da dalañ ouzh lamidigezh ar prizioù reolennet d’ar 01.01.2021 evit strollegezhioù zo.
Ar marc’had a vremañ gant Total Direct Energie a vo e dermen d’an 31.12.2020.
Lañset e oa bet ur marc’had 3 bloaz nevez (2021-2023) e 2019 ha deroet e oa bet adarre da d-Total Direct Energie.
139 ezel o deus kemeret perzh er guzuliadeg-se evit pourchas gaz naturel da 914 lec’hienn, ar pezh a ra ur bevezadur bloaziek a 103 GWh
Gallout a ra an izili koumanantiñ d’un dibarzh evit pourchas 10% a orin biometan gwarantet.
Ma fell deoc’h emezelañ er strollad ha kemer perzh ar c’huzuliadegoù da zont, e rankit kas ho teuliad klok deomp . Ennañ e tle bezañ :
Pa vo resevet an elfennoù-se e vo digoret ur moned da leurenn enlinenn ar strollad evit pep kendivizer-dave. Kaset e vo dezho ur postel gant o anaouderioù kevreañ.
Extranet
