OC’H
Skip to main content

Evit an dilennidi

Kevelerezh zo gant ALEH Roazhon (Ajañs Lec’hel an Energiezh hag an Hin e bro Roazhon) evit aozañ abadennoù da sachañ evezh an dilennidi war ar pezh a zo e dalc’h gant an energiezh.

Dijunioù teknikel

Ur wech pe ziv ar miz e vez dalc’het emgavioù e stumm dijunioù teknikel hag a vez bodet un hanter-kant bennak a dud enno. Dont a ra mailhed da gomz diwar-benn ur sujed liammet ouzh an treuzkemm energiezh. Diskouez a reont nevezadennoù pe arnodoù graet war an dachenn evit harpañ o displegadennoù. Ar pal eo, war un dro, sachañ evezh an dilennidi war an dalc’hoù liammet ouzh digresk beveziñ an energiezh ha diorren an energiezhioù nevezadus, ha brudañ e-touez an dud ar pezh a sell e-keñver an teknik ouzh ar rouedadoù energiezh, ar fiñvusted izelgarbon hag an energiezhioù nevezadus.

Petits déjeuners techniques

An temoù diwezhañ a zo bet pledet ganto

  • 2016 / Karbedoù gaz, hidrogen ha tredan : kinnig ar seurtoù karbedoù hag esaeañ karbedoù evit arnodiñ ar mod da vleinañ anezho. 
  • 2017 / Unanvevezerezh fotovoltaek : emdroadur ar reolennoù, kinnig arnodoù emeur oc’h ober e tolpad an Oriant
  • 2018 / Fiñvusted hidrogen : kinnig ar filierenn hidrogen, modoù produiñ ha dasparzhañ, perzhioù mat a-fet an energiezh
  • 2019 / Produiñ gwrez ha tredan diwar energiezhioù nevezadus (pirogazusaat, mikrogenel, adtapout gwrez diwar ar mekanikoù da yenaat, troellrodoùigoù er rouedadoù dour, disheoliennoù-heol, ha kement zo)